1971жылы ашылған Ақтөбе музыкалық училищесінде халық аспаптар    бөлімі бірден ерекше орын алды. Оның негізін қалаушы жаңа оқу орнының алғашқы директоры К.Ү.Қожанбаев, тек жақсы ұйымдастырушы ғана емес, өте қысқа мерзімде – кадрлар жетіспей жатқанда – бүкіл Советтер Одағынан  кәсіби мамандар шақырып ұжым жинақтаған, керемет домбырашы, талантты педагог, А.Жұбановтың өзінің сүйікті шәкірті болған. «Еңбегі сіңген мәдениет қайраткері», композиторлар Одағының мүшесі, кейін Құрманғазы атындағы  Қазақ ұлттық консерваториясының профессоры атағын алды.

К.Ү.Қожанбаев мамандықтан сабақ өтуде

         Алғашқы басшының айналасына бірте-бірте пікірлес ұжым қалыптасты. Бөлімдегі халық аспаптар оркестірінің құрылуына үлкен үлес қосқан және оның алғашқы дирижері болған А.Е.Бағдаулетовтің орны ерекше.

Қазақ халық оркестрі мен  оқытушылар А.Е.Бағдаулетов, Н.Т.Абдикаримова (ортада)

            Оркестрлік құрамға көптеген шығармаларды лайықтап өндеген және халық аспаптарының түрлі ұжымдарының жетекшілері ретінде жұмыс істейтін көптеген түлектерді дайындаған А.А. Күмісбековтың қызметі де дирижерлік өнермен тығыз байланысты.

Ә.А.Күмісбеков

          Кейін бұлардың қатарына домбырашылар С.Н.Нұғметов, Б.А.Ізбасқанов қосылды.Т.Б.Бейсовтың қызметі халық аспаптары үшін аса маңызды болды. Ол 10 жылдан астам бөлім меңгерушілігімен қатар  халық аспаптар оркестрінің жетекшісі болды және танымал републикалық, халықаралық конкурстардың лаууреаттарын даярлап, тәрбиеледі. Олар сахнада сәтті өнер көрсетіп, пдагогикалық салада қызмет атқарып жүр.

Дирижер Т.Б.Бейсов және солист Н.Е.Таубеков жұмыс барысында

            1972 жылы Ақтөбе музыкалық училищесінде қобыз класының негізін қалаушы Құрманғазы атындағы мемлекеттік консерваторияның түлегі, ҚР халық әртісі, профессоры Ф.Ж.Балғаеваның класын бітірген Н.С.Абдукаримова болды. Қобыз класының алғашқы түлектері А.Ғұбайдуллина, Қ.Иманкарина, Д.Сүйіншалиева, Р.Райымбергенова, А.Тулеуова, Н.Тлеужанова, С.Қойбағарова қазіргі таңда ұстаздарының сара жолын жалғастырып, республикамыздың түпкір-түпкірінде ұстаздық қызмет атқарып жүр.

Оқытушы Н.Т.Абдикаримова студентімен

            Жыл сайын талапкерлердің саны артуына байланысты, жұмысқа жаңа оқытушылар қабылданды: М.Н.Байганин, А.Ы.Раимбергенов, Н.Р.Омаров, М.О.Кулмурзаев, С.Суюмханов, Ж.С.Жайлаубаева.

Бөлім оқытушылары.  Отырғандар: (солдан оңға қарай) Б.А.Избасканов, А.А.Кумисбеков, Ж.С.Жайлаубаева, Т.Б.Бейсов; екінші қатарда: (солдан оңға қарай) Д.К.Таубекова, А.Ы.Райымбергенов, Н.А.Ержанова, Н.Р.Омаров

            Қазақстанда домбыра мен қобыз аспаптары өте танымал болғандықтан, халық аспаптар бөліміне оқуға түсуге талапкерлер көп болды және олар қатаң сынақтан өтуші еді. Жарты ғасырда бөлім 600ге жуық мамандар даярлап шығарды, оның 200 ден астамы, әр үшіншісі, республикамыздың  беделді жоғары оқу орындарын бітірді: Құрманғазы атындағы  ұлттық консерваториясын, Қазақ ұлттық өнер университетін. Бітірген түлектердің көбі білім беру мекемелерінде педагог,  халық аспаптар оркестрі мен ансамбльдерде орындаушы ретінде еңбек етіп жүр. Біразы өздері оқыған оқу орнына оралып, оқытушылар қатарын толықтырды.

Бөлім оқытушылары. Төменгі қатарда: М.Құлмырзаев, Д.Таубекова, М.Байғанин, Н.Ержанова, Ә.Күмісбеков

Жоғарғы қатарда: Ж.Асылханов, А.Райымбергенов, Н.Омаров, Б.Ізбасқанов.

        Бүгінде халық аспаптар бөлімінде тек облысымызда емес, халықтың сүйіспеншілігіне бөленген, Тұңғыш Президент қолы қойылған марапат пен атақтар алған  аса шебер орындаушылар бар: республикалық конкурстардың лауреаты, еліміздің ең үздік орындаушыларының бірі, Қазанғап мұрасын зерттеуші Ж.Ж.Асылханов –  «Ақтөбе облысының Құрметті азаматы» атағының, ҚР «Еңбек сіңірген қайраткері», «Ерен еңбегі үшін»,  «Мәдениет саласының үздігі» медальдарының иегері. Осындай төсбелгілермен марапатталған оның әріптестері: республикалық байқаулардың лауреаты, шебер домбырашы  Т.Е.Хамзин,  Ғ.Жұбанова атындағы облыстық филармонияның А.Жұбанов атындағы оркестрдің бас дирижері М.М.Кабижанова-Бисенғалиева.

        Риясыз педагогикалық еңбектері үшін бөлім оқытушылары елінің жоғары марапаттарына ие болды: Н.А.Ержанова «Білім беруді дамытуға қосқан үлесі үшін», «ҚР білім беру ісінің құрметті қызметкері», «ҚР Тәуелсіздікке 25 жыл» мерекелік медалінің, Д.Таубекова – ««ҚР білім беру ісінің құрметті қызметкері» төсбелгісінің, «Тәуелсіздіктің 20 жылдығына» , «Мадениет саласының үздігі» медальдерінің иегері, А.У.Ажғалиева -кәсіби қызметінде жеткен жоғары жетістіктері үшін  облыс әкімінің премиясына ие болды.

         Қазіргі кезде бөлімді  талантты орындаушы-лауреаттарды тәрбиелеген, бірнеше мәрте республикалық, аймақтық байқаулардың әділқазылар құрамына шақырылған Т.Ж.Мұстафин басқарады. Оның басшылығымен бөлімнің үздік білім алушылары Д.Жаншин, А.Ахмедьярова, А.Арықбаева, Г.Амангос Тұңғыш Президент қорының стипендиаттары атанды.

       Оқытушылық қызметтерінде жоғары кәсібилігі мен биік жетістіктері үшін жоғары сенімге ие боп жүрген тәжірибелі педагогтар: Ш.Ш.Сарсенғалиева, М.Б.Балжановамен қатар, жас педагогтар да бар: М.Хожабаева, Е.Мустафин, Ж.Болатұлы, А.Абишева, Б.Қуандыков, Ж.Нысанов, М.Карагулова, П.Мерғали, М.Сапаров, А.Жаншина, А.Елубай, М.Отарбай, Ж.Маратов.

Бөлім оқытушылары. 2020жыл

Отырғандар  (солдан оңға қарай)  – Ж.Ж.Асылханов, Д.К.Таубекова, Н.Р.Омаров, Н.А.Ержанова, У.А.Ажгалиева; Тұрғандар – Ж.Нысанов, М.Е.Карагулова, Ж.Болатулы, П.С.Мерғали, М.М.Кабижанова, Т.Е.Хамзин, Ш.Ш.Сарсенгалиева, М.Ж.Хожабаева, М.С.Сапаров, А.Т.Жаншина, Ж.А.Маратов, Б.К.Куандыков

       А.Жұбанов атындағы Ақтөбе музыкалық колледжі беделінің  биік болуына ықпал етіп, оны алға жылжытушылар, елімізге жақсы танымал тұлғалар :  А.Ы.Райымбергенов – «Көкіл» мектеп – колледжінің директоры, Құрманғазы атындағы ұлттық консерваторияның профессоры, өнертану ғылымдарының кандидаты, «Құрмет» орденінің иегері; осы консерваторияда – республикалық, халықаралық байқаулардың лауреаты, «Қазақстанның  еңбек сіңірген қайраткері», А.Байтұрсынов атындағы медаль иегері , профессор Е.Б.Басықара , халықаралық байқаулардың лауреаты, ҚР «Мәдениет қайраткері», доцент  З.Ш.Ізмұратова,  және  «Мәдениет саласының үздігі», өнертанушы, елімізде тұңғыш жетіген аспапбын кәсіби дәрежеге жеткізген, магистр Н:Б.Жақыпбек еңбек етеді.

       Қазақ Ұлттық өнер университетінде профессор, «Құрмет ордені» мен Ы.Алтынсарин меделінің иегері Т.Б.Әліпбаев өз мансабына жетті.

       Бөлімді домбыра класынан бітірген түлектеріміз, қазір эстрада бағытын қоса алып жүрген, танымал әншілер: Алматы облысы Сүйінбай атындағы облыстық филармонияның әншісі, “Серпер” жастар сыйлығының иегері, «Мәдениет қайраткері», педагогика ғылымдарының магистрі – Өмірқұл Айниязов,  «Мәдениет саласының үздігі», Жүсіпбек Елебеков атындағы эстрада –цирк колледжінің оқытушысы – Жадыра Арыстанова.

        Біліктілігі жоғары педагогикалық құрамы бар, ұрпақтар сабақтастығын сақтаған, ризашылықпен табысты еңбек етіп жүрген түлектері бар, талантты, болашағынан көп үміт күттіретін білім алушылары бар  қазақ халық аспаптар бөлімі –  болашаққа сеніммен қарап, туған колледжге жаңа жетістіктер әкелуге дайын.