Бүгін, А.Жұбанов атындағы Ақтөбе музыкалық колледжінде, білім күніне арналған салтанатты шара өткізілді. 1 Қыркүйек, Білім күніне арналған салтанатты шарада, Мемлекеттік Ту ұлықталып,әнұран орындалды. А.Жұбанов атындағы Ақтөбе музыкалық колледжінің директоры, Қазақстан Республикасының мәдениет қайраткері, Ыбырай Алтынсарин атындағы төс белгісінің иегері Исмагулов Аманжол Дүйсенұлы салтанатты шараға қатысушы барлық білім алушылар мен ата-аналарды жаңа оқу жылымен құттықтап, студент қатарына қосылған білім алушыларға өзінің тілегін білдірді. Колледжде ұзақ жылдар абыройлы еңбек еткен, лауреаттар тәрбиелеген ұстаздар: Қазақстан Республикасы Оқу-ағарту министрлігінің «Еңбек ардагері» медалімен Трехманенко Маргарита Ивановна, Облыстық білім басқармасының Құрмет Грамотасымен Каушева Айгуль Санаковна , Әбілхасан Нұрпейіс Елібайұлы , Сапаров Мәлік Серікұлымарапатталды. Жас ұстаздар атынан,колледж түлегі Орман Әйгерім Аманкелдіқызы сөз алды. Колледждін студенттері өз өнерлерін көрсетті. Мерекелік шарадаң соң, 1курс студенттерімен , ата-аналарына жиналысы өткізілді.
