2022 жылдың 13 мамыр күні  А. Жұбанов атындағы  Ақтөбе музыкалық колледж залында үрмелі  және соқпалы аспаптар бөлімінің 50 жылдығына арналған мерейтойлық концерт өтті. Мерейтойлық концерт-бұл ұжымның және бүкіл  бөлімнің  ұзақ жылдар бойындағы  шығармашылық жолының қорытындысын шығару: құрылу тарихы, алғашқы оқытушылар мен оқушылар.Оқушылардың бірнеше ұрпағы өнер және музыка әлеміне осы үрмелі бөлім арқылы өтті. Қазіргі таңда шәкірттеріміз  қалаларда, шығармашылық ұжымдарда жұмыс істей бастады, сонымен қатар бүкіл әлемдегі музыкалық мектептер мен музыкалық колледждерде сабақ беруді сәтті жалғастыруда.Осы салтанатты күні үрмелі және соқпалы аспаптар бөлімінің ұжымы музыкалық – ағартушылық жұмысқа қосқан зор үлесі үшін ресми тұлғалардан, әріптестерінен және түлектерден құттықтаулар қабылдады.      Ұйымдастырушылар керемет  музыкалық бағдарлама дайындады. Бағдарламада Б.Д. Дүйсенбаевтың басқаруындағы студенттік үрмелі оркестрдің, ансамбльдер мен солистердің орындауында кеңестік және шетелдік композиторлардың шығармалары орындалды. Көрермендерге концерттің ұнағаны соншалықты, олар  оркестр аяқталғаннан кейін де залдан кетуге асықпады.