Ән салу бөлімі соңғы бөлімдердің бірі болып, шын мәнінде, республика бойынша да арнайы жоғары білімді кәсіби мамандардың жетіспеушілігі негізінде, 1991 жылы ашылды. Оның ашылуына бастамашы болған жас маман, кейін Ы.Алтынсарин медалімен марапатталған Николай Елемесұлы Таубеков болды
Н.Е.Таубеков
Оқытушы –Н.Е.Таубеков, концертмейстер –
И.Суганова сабақ үстінде
Дәл сол кісінің табандылығы, мақсатынан таймайтындығының, энергиясының арқасында және училище әкімшілігі мен әріптестері Л.А.Солдатова мен В.П.Борисовтың колдауымен, бөлімге оқушылар қабылдау жүргізілді.
Бөлім оқытушылары мен білім алушылары
Кейіннен, оқытушылар қатарына ҚР еңбек сіңірген қайраткері, Ақтөбе облысының Құрметті азаматы, Ы.Алтынсарин және «Ерен еңбегі үшін» медальдарының иегері Марат Олжайбайұлы Айтимов келді.
М.О.Айтимов алғашқы шәкірттерімен. Солдан оңға қарай- отырғандар: М.Айтимов, Г.Ержанова, тұрғандар: Б.Тәжібаева, И.Бадов, А.Досыбаев
2000 – 2007 жылдар аралығында бөлімнің педагогтар қатарына Құрманғазы атындағы Қазақ ұлттық консерватория түлектері К.Қ.Бекжанова, М.Қ.Бекжанов қосылды.
Колледж оқытушылары, солдан оңға қарай: М.Қ.Бекжанов, Қ.Қ.Бекжанова, М.О.Айтимов
Кейін колледжге академиялық ән салу оқытушылары болып, Қазақстан мен Ресейдің жоғары оқу орындарын аяқтаған өз түлектері оралды: Г.Б.Тулегенова, З.А.Тулемисова, Н.О.Омаров, Б.В.Калмыков, магистр Г.С.Жумабаева, ҚР «Мәдениет үздігі» төсбелгісінің иегері Ж.М.Нұрқасымова, Д.Н.Таубекова, А.Т.Тулепбергенов.
Колледж түлегі Светлана Касьянмен кездесу.
1997 жылы колледж директоры В.Н.Фоменконың араласуымен ән бөлімі өз құрамына «Дәстүрлі ән» мамандығын қосып, оның негізін қалаушы С.Қ.Мырзабаева болды. Алғашқы оқушылары болған Б.Жаскеленова, Н.Абдибеков, Л.Калжанова, Ж.Сарина, А.Мыңбаевалар ұстаз абыройын асқақтатып жүр. Осы жылдары оқыған Ж.Утегенов дәстүрлі әнмен қатар эстрадалық бағытты да қатар алып жүр.
С.Қ.Мырзабаева шәкірттерімен
Білім алушылардың санының артуына байланысты колледжге Ғ.Құрманғалиевтің алғашқы шәкірттерінің бірі Х.С.Утеғалиев шақыртылды. Өзінің педагогикалқ қызмет жылдарында (2004 – 2006) бір қатар талантты шәкірттерді тәрбиеледі.
Кейін дәстүрлі ән оқытушылары қатарына Г.А.Сарқытбаева, Ж.У.Жолбаева, республикалық, халықаралық байқаулардың лауреаты, «ҚР білім беру ісінің құрметті қызметкері» медалінің иегері Г.Ж.Аманбаева қосылды. Бөлімнің педагогикалық құрамына жаңа леп бере келген республикалық, халықаралық жарыстардың жеңімпаздары: Ж.А.Қасымов, Д.Ғ.Қабылов, Н.Е.Әбілхасан, магистр Ж.К.Орынбекова, ҚР «Мәдениет қайраткері» П.К.Калуовалар болды.
Дәстүрлі ән класының оқытушылары және білім алушылары.
Бөлімді 20 жылдан астам Н.Е.Таубеков басқарды, кейін – З.А.Тулемисова, Г.Б.Тулегенова, Г.Ж.Аманбаева, Н.О.Омаров жалғастырса, бүгінгі күні Ж.К.Орынбекова басқарады.
Дәстүрлі әнші, ҚР еңбек сіңірген қайраткері, «Дарын» мемлекеттік жастар сыйлығының лауреаты, профессор Айгүл Қосанованың шеберлік сабағынан кейін. Солдан оңға қарай – Н.Е.Әбілхасан, Д.Ғ.Қабылов, А.Д.Исмагулов (колледж директоры), А.Ш.Қосанова, Г.Ж.Аманбаева, З.А.Тулемисова, А.К.Канаткалиева, Ж.К.Орынбекова
Бөлім оқытушылары концертте. Солдан оңға қарай – Д.М.Шынарбаева, Н.Е.Әбілхасан, П.К.Қалуова, Д.Ғ.Қабылов, Ж.К.Орынбекова, Ә.А.Күзенбаев
Дәстүрлі әнші, ҚР еңбек сіңірген қайраткері ЕрланРысқалидің шеберлік сабағынан кейін. Солдан оңға қарай – Н.Ә.Әбілхасан, Д.Ғ.Қабылов, Е.Рысқали, колледж директоры -А.Д.Исмагулов.
Академиялық ән салу бөлімінің оқытушылары осы жылдарда 250 ге жуық білім алып шыққан түлектерімен мақтана алады. Әрине, ең бірінші ол, дүние жүзінде миллиондаған жанкүйерлері бар, теңдесі жоқ дауыс иесі – Димаш Құдайберген. Әртістік жолды таңдаған В. Алпысбаева, Е.Рзин Алматы қаласындағы Абай атындағы Қазақ Ұлттық академиялық Опера және Балет театрының солистері, ҚР Ішкі Істер Министрлігі ән-би ансамблінің солисі – К.Игликов, Т.Жүргенов атындағы Ұлттық Өнер Академиясының аға оқытушысы – М.Бекжанов, Қазақстан эстрадасының жарық жұлдызы –Е.Есмахан, Шымкент қаласындағы Опера және Балет театрының солисі Г.Төлегенова, Г.Альжанова – Павлодар қаласындағы дарынды балаларға арналған «Музыкалық колледж – музыкалық мектеп –интернат» Комплексінде бөлім меңгерушісі, К.Жұмағалиева – Алматы қаласындағы Б.Байқадамов атындағы хор каппеласының әншісі, Гүлнұр Жақсылықова, А.Аманжолова, Г.Саламас – Нұр-Сұлтан қаласы филармониясының солистері, А.Тажғалиева- Новособирьск қаласындағы консерваторияның магистрі, Ж. Сандыбаева – «Қазақконцерт» мемлекеттік концерттік ұйымының солисі, Г.Алдадосова – Нұр-Сұлтан қаласындағы ҚазҰӨУ магистранты.
Бөлім білім алушыларының көпшілігі жыл сайын әртүрлі деңгейдегі байқаулардың жүлдегерлері атанады, оның барлығын тізіп шығу мүмкін емес. Тек Ұлттық Дельфий ойындарының Алтын медаль иегерлерін атап өтсек: Г.Саламас, Г.Алдадосова, Д.Таубекова, И.Амин.
Дәстүрлі ән класының да мақтанарлық жетістіктері аз емес. М.Ө.Мұқанова, Д.М. Шынарбаева қазіргі таңда Ғ.Жұбанова атындағы облыстық филармониясының әншілері. Республикалық деңгейде ұстаздық жолға түскен шәкірттер де бар, олар: В. Қаржаубева – қазіргі таңда Құрманғазы атындағы Қазақ ұлттық консерваториясының «Халық әні» кафедрасында, Ү.Саттарова – Алматы қаласы П.Чайковский атындағы музыкалық колледжінде «Дәстүрлі ән» бөлімінде, батыс мектебі бойынша сабақ береді. «Шабыт» халықаралық фестивалінің 1 орын иегері, Ж.Елебеков атындағы VII республикалық конкурсының лауреаты, Нұр-Сұлтан қаласының мемлекеттік академиялық филармониясының әншісі Н.Мейірхан да көп үміт күттіретін жас. Сонымен қатар Ж.Елемесов «Н.Байғанин атындағы жыршылар», А.Тобағабылова «Аймақты әнмен тербетіп» атты, К.Мизамов «Кең Жылой» республикалық дәстүрлі әншілер байқауларының лауреаттары.
Қазір ән салу бөлімі колледжде жыл сайын, ең қиын,ең әдемі, ең нәзік аспап – өз дауысын меңгеруге құмар талапкерлер саны артып отыратын, ең беделді бөлім болып отыр.
Бөлім оқытушылары. Солдан оңға қарай отырғандар – З.А.Тулемисова, Н.Е.Таубеков, Ж.К.Орынбекова, М.О.Айтимов, Г.Ж.Аманбаева; екінші қатарда – А.Т.Төлепбергенов, Г.С.Жумабаева, Ж.М.Нұрқасымова, Б.В.Калмыков, Д.Н.Таубекова, Д.Ғ.Қабылов, Н.Е.Әбілхасан. 2021 жыл