Үрмелі және соқпалы аспаптар бөлімі өзінің жарқын бастауын 1972 жылы, жаңа келген жас оқытушылар В.Фоменко, В.Куц алғашқы оқушыларын кабылдаған кезден бастады. 1979 жылы оқытушылар қатарына жігерлі мамандар В.Г.Ткаченко мен В.Я.Эртман косылды. Содан бастап үрмелі аспаптардың барлық түрлеріне оқыту басталды: флейта, гобой, кларнет, саксофон, труба, валторна, тромбон, туба.
Бөлімнің негізін қалаушы – В.Н.Фоменко
1981 жылы Х.Ш.Насыров соқпалы аспаптар класын ашты. Екі жыл өте валторна класына Е.А.Солдатов, кейін флейта класына жас оқытушы А.М.Шакимова келді. Жоғарыда аталған мамандардың бәрі Құрманғазы атындағы Алматы мемлекеттік консерваториясының түлектері. Бөлім өз кезегінде, осы 50 жыл аралығында бітірген, 300 – ге жуық түлектерімен мақтанады. Казіргі күнге дейін олардың әркайсымен тығыз байланыста.
Бөлімнің алғашқы түлектері . 1976 жыл. Жоғарғы қатарда: (солдан оңға қарай) В.Дурнев, В.Ромайкин, Д.Гайдаржи, Е.А. Солдатов, А. Булыгин, С.Фомин, Ю. Келин, П. Озерный.
Оқытушылар: (төменгі қатарда солдан оңға қарай) В.Г.Ткаченко, В.Л.Куц, В.Н. Фоменко, В.Я. Эртман
Бөлім оқытушылары: (солдан оңға қарай) В.Я.Эртман, Е.А. Солдатов, Е.Д.Дуйсенбаев, В.Н. Фоменко, В.Г. Ткаченко
Әр жылдарда дәстүрлі өтетін үрмелі аспаптарда орындаушылардың Республикалық байқауларында жүлделі орын алган білім алушыларға тоқталсақ, олар: В.Тимошенко (В.Н.Фоменко класы), Т.Рысмағанбетов (Е.В.Солдатов класы), М.Бердимуратов (Б.Д.Дуйсенбаев класы).
Бұдан басқа бөлімнің көптеген оқушылары осы жылдар аралығында облыстық, республикалық, халықаралық классикалық, джаздық конкурстар мен олимпиадаларда жеке, ансамбль, оркестр кұрамында және солист ретінде жеңімпаздар атанды. Бұндай жетістіктер оқытушылардың ғана емес, оқушылардың да шығармашылық белсенділігін арттырары сөзсіз.
Қазіргі таңда бөлім түлектері еліміздің, алыс-жақын шетелдердің түрлі кәсіби музыкалық ұжымдарда қызмет атқарады, көпшілігі педагогикалық еңбекпен қатар орындаушылықты да қатар алып жүр. Өздерінің сүйікті аспаптарына, мамандықтарына өмірін арнап, абройлы еңбек атқарып жүрген түлектеріміз: Ресейде – Ю.Обертанюк, А.Великий, А.Сундуков (Москва), В.Дудко (Санкт Петербург), ұстаздар В.Эртман, В.Ткаченко (Орынбор), Н.Абилов (Ингушетия), К.Веремеева (Магадан), Е.Хан, И.Гаврилюк (Самара), З.Кульбатыров, Ю.Молочлы (Магнитогорск), Я.Изимов (Орск).
Үрмелі аспаптарда орындаушылықты отандық мектебін Германия мен Израильде насихаттап жүргендер: В.Штрекер, В.Красутский.
Бөлім түлектері тек дәстүрлі музыкалық жоғары оқу орындары емес, Москва каласындағы Ресей қорғаныс министрлігі университеті жанындағы әскери институтты «әскери дирижер» мамандығы бойынша А.Великий (шені – полковник), П.Күндебаев (шені – лейтенант) аяқтаса, қазір сол институтта ағайынды Арман, Ақниет Абашовтар оқып жатыр.
Әр жылдарда бітірген түлектердің бір тобы еліміздің үздік ұжымдары мен оркестрлерінде, Абай атындағы Мемлекеттік опера және балет театрында, «Астана операда», Мемлекеттік Телерадио камералық оркестрінде, Президент оркестрі құрамында турлі хаттамалық, дипломатиялық, мемлекеттік маңызды шараларда өнер көрсетіп жүр. Нұр-Сұлтан қаласы Мемлекеттік академиялық филармониясы, Мемлекеттік академиялық симфониялық оркестрі, Мемлекеттік үрмелі аспаптар оркестрі кұрамында да еңбек етіп жүрген түлектерімізді де мақтанышпен айтуға болады.
Ақтөбе қаласының кәсіби оркестрлерінің құрамы да түгелдей дерлік осы болім бітірушілері. Ғ.Жұбанова атындағы облыыстық филармонияның камералық оркестрі, қалалық мәдениет үйі жанындағы эстрадалық – үрмелі аспаптар оркестрінде бөлімді бітірген мамандар мен қатар казір оқып жатқан студенттер де бар.
Осындай кәсіби және өз ерекшеліктері бар әуесқой шығармашылық ұжымдарды кезінде колледж оқытушылары – В.Н.Фоменко, Е.А.Солдатов, В.Г.Ткаченко басқарса кейін олардың ізін оқушылары К.Нугметов, П.Күндебаев, «Мәдениет саласының үздігі» С.Еркегуловтар жалғастырып келеді.
Кала және аудан орталықтарындағы балалар музыка мектептері мен шығармашылық орталықтары балаларды отандық, шетелдік музыка мәдениетіне баулуда үрмелі-соқпалы аспаптар оқытушылары кұрметке ие және оларға сұраныс көп.
Колледж бітіруші түлектер жыл сайын 100% жұмысқа орналасады.
Үрмелі және соқпалы аспаптар бөлімінің оқытушылары мен бітірген түлектері арасынан Ақтөбенің мәдениет, өнер ордаларын басқарған талантты ұйымдастырушы, басшылар да шықты. В.Н.Фоменко еліміздегі ең қиын кездерде 1995 – 2003 жылдары А.Жұбанов атындағы музыкалық колледжін басқарды. «Қазақстанның еңбек сіңірген қайраткері», көптеген үрмелі аспапта орындаушыларды тәрбиелеген В.Н.Фоменконын кұрметіне колледжде арнайы класс ашылды.
В.Н.Фоменко класының ашылуы . Солдан оңға қарай – Н.А.Фоменко К.У. Кожанбаев Г.К.Кожанбаева, К.К. Жасекенов, Ж.Ж. Асылханов , колледж директоры А.Д. Исмагулов. 2017жыл.
К.М. Дүйсенбаевтың бастамасы, ұйымдастыруымен жыл сайын В.Н.Фоменко атындағы республикалық конкурс өткізу дәстүрге айналып келеді, келешекте халықаралық деңгейде өткізу жоспарда бар.
В.Н.Фоменко атындағы конкурс. Қатысушы – А.Абашов, концертмейстер И.А.Копыто
Өздерінің ұстаздық шеберліктерін арттыра отырып, бөлім оқытушылары солист-орындаушы ретінде, ансамбль, оркестр құрамында концерттер беріп, қалалық, облыстық маңызды шараларда үнемі өнер көрсетеді. Жыл сайын колледж сахнасында оркестр, ансамбль, класс концерттер беру де дәстүрге айналды. Бұл үрмелі және соқпалы аспаптардың кең мүмкіндіктерін, түрлі музыкалық бағыттар мен стильдерді қамтып, насихаттап, кәсіби бағдар беруге бағыттайды.
Үрмелі және соқпалы аспаптар оркестрі 2018жыл. Жетекшісі – Б.Д.Дуйсенбаев
Колледж әкімшілігінің колдауы арқасында бөлімнің материалдық-техникалық базасы жақсарып келеді. Казіргі уақытта әр оқытушының мамандықтарына сай жасақталған жеке кластары бар. Әсіресе ерекше маңыздысы 2017 жылы үрмелі оркестрге жаңадан аспаптар алынды, оның ішінде әйгілі «ADAMS» фирмасынан алынған соқпалы аспаптар комплектісі ерекше көрік беріп тұр.
Әр жылдары бөлімді басқарған білікті, жоғары білімді мамандарымыз В.Н.Фоменко, В.Я.Эртман, ЕА..Солдатов, К.М.Дуйсенбаевтарды құрметпен еске алып, мақтан тұтамыз. 2009 жылдан бүгінгі күнге дейін бөлімді Б.Д.Дүйсенбаев басқарып келеді. Жас музыканттарды тәрбиелеуде зор үлес қосқан педагогтар:А.А.Парусимов (труба), Е.Д.Дүйсенбаев (саксофон), В.Г.Ткаченко, М.Г.Аркус және Д.А.Колий (кларнет), В.И.Красутский, Х.Ш.Насыров, А.Т.Абдрахманов (соқпалы аспаптар), Г.Г.Чен (тромбон). Қәзіргі уақытта бөлімде: Е.А.Солдатов, К.Қ.Нұрсейтиин (валторна), А.М.Шакимова, Э.Е.Бекбулатова (флейта), Б.Д.Дүйсенбаев (труба,туба), А.Г.Беркешов (соқпалы аспаптар), К.М.Дүйсенбаев (кларнет, саксофон), Е.И.Кұрманалин (кларнет), М.М.Қарабасов (тромбон). Бұл ұстаздардың барлығы А.Жұбанов атындағы музыка колледжінің түлектері, колледжді бітіргеннен кейін, жоғары кәсиби оқу орындарын аяқтап, туған колледжге келіп, үрмелі музыканың негізін қалаған өз ұстаздарының ісін жалғастырып, дамытуда.
Бөлім оқытушылары. Төменгі қатарда: ((солдан оңға қарай) А.М. Шакимова Б.Д. Дуйсенбаев , Э.Е.Бекболатова, Қ.Қ.Нурсейтийн
Екінші қатарда: (солдан оңға қарай) Е.И.Курманалин, Е.А. Солдатов , К.М.Дуйсенбаев, М.М. Карабасов , А.Г. Беркешев.
Бөлімнің тарихын еске ала отырып, ұзақ жылдар бойы оқытушылар мен білім алушылардың ойнайтын шығармаларын сүйемелдеуші концертмейстерлерді де ұмыта алмаймыз: Л.Зарицкая, А.Д.Агафонов (үлкені), Л.Г.Аркус, С.Л.Курченко, М.Г.Подлибнер, Н.В.Меркушева, Э.А.Новицкая, Л.А.Самохина, И.А.Копыто, С.В.Верясова, М.Э.Шевченко. Олардың кәсіби қолдауынсыз бөлім жетістіктерін ойға алу мүмкін емес.