Өнер- халықты эстетикалық мәдениет пен биік адамгершілікке тәрбиелеудің аса маңызды құралы. Соның ішінде, дәстүрлі әншілік өнердің орны айрықша. Бұл киелі өнер қоғамдық ой-сананың негізін құрап, әр адамға рухани байлық сыйлайды. Осы орайда, А.Жұбанов атындағы Ақтөбе музыкалық колледжінде 2019 жылдың қараша айының 8-і күні колледж білім алушыларына “Батыс Қазақстан әншілік мектебінің ерекшеліктері және Маңғыстау ән-жыр мектебінің айырмашылығы” тақырыбында ҚР Еңбек сіңірген қайраткері, “ҚҰРМЕТ” орденінің, мемлекеттік “ДАРЫН” жастар сыйлығының иегері, профессор  Қосанова Айгүл Шоданқызы шеберлік сағатын өткізді.