2021 жылдың 27 наурызында А.Жұбанов атындағы Ақтөбе музыка колледжінің залында Қазақстан Республикасы Тәуелсіздігінің 30 жылдығына және А.Жұбанов атындағы Ақтөбе музыкалық колледжінің 50 жылдығына арналған үрмелі және соқпалы аспаптарда орындаушыларының «Жұбановтар кездесулері» мәдени-ағартушылық жобасы аясында «ЖасStar» 3-ші Республикалық конкурс-фестивалі өткізілді. Конкурсқа қаладағы және облыстағы балалар музыкалық мектептерінен 40-тан астам оқушылар мен  А.Жұбанов атындағы АМК студенттері қатысты. Бұл іс-шара барлық санитарлық-карантиндік шараларды сақтай отырып, көрерменсіз өтті.      Қатысушылардың шеберліктерін қазылар алқасы бағалады. Кәсіби қазылар алқасына Ақтөбе қаласы оркестр жетекшілері шақырылды. Конкурс қорытындысы бойынша Гран-при иегерлері Виктория Бондаренко (Қ.Медетов атындағы БӨМ, саксофон), Дарина Картбаева (№3 БММ, флейта), Дүйсенбаев Дастан («Сымбат»  мектебі, ұрмалы аспап) және «БрассКомбоБэнд»  ансамблі (А.Жұбанов атындағы АМК) болды. Қалған студенттер 1,2,3 дәрежелі лауреаттар дипломдарымен және қатысқандары үшін дипломдармен марапатталды. Сонымен қатар жетекшілер мен концертмейстерлер байқауға қатысушыларды дайындағаны үшін Алғыс хаттар алды.